اعتدت معلمة مدرسة حافظ إبراهيم الرسمية للغات التابعة لإدارة شبرا التعليمية بمحافظة القاهرة على طالب يدعى «ياسين» باستخدام العكاز بعد وصلة تعذيب.

معلمة تعتدى على طالب بـ«العكاز» في مدرسة حافظ إبراهيم بشبرا

ونشرت ولية الأمر تفاصيل تعرض ابنها للضرب من معلمة داخل الفصل في مدرسة حافظ إبراهيم الرسمية للغات التابعة لإدارة شبرا التعليمية بمحافظة القاهرة.

وأضافت ولية الأمر، في استغاثتها التي نشرتها عبر موقع التواصل الاجتماعي «فيس بوك»: «ليه مدرسة تعمل فى عيل صغير كده؟، تحبسه فى الفصل وتقفل الباب عليه بعد خروج زمايله من الفصل وتسد باب الفصل بالديسك وتنزل فيه ضرب بالعكاز اللي معاها وتكسره عليه؟».

وأضافت: «سبب ضرب ابني ياسين إنه خبط فيها بكتفه غصب عنه وهو داخل ياخد مقلمته اللي نسيها، والولد فضل يصرخ ويقول لها أنا آسف وهو معملش حاجة، كل ذنبه إنه نسي مقلمته ورجع ياخدها وهي قاعدة فى الفصل خبط فيها بكتفه تقوم تهجم عليه».

وأوضحت: «المدرسة قفلت باب الفصل وحطت ديسك علشان محدش يدخل وفضلت تلطش فيه بالعكاز وبايديها على جسمه ووشه وتتعدى عليه لغاية ما الولاد بتوع ثانوى وإعدادى سمعوا صريخه، ومدرسة ومدرس تانيين كسروا باب الفصل علشان ينجدوا ابني من تحت إيديها».

وقالت ولية الأمر: «مدير المدرسة قالي معلش أصلها تعبانة نفسيا!.. لو تعبانة نفسيا تقعد في بيتها ابني كان ممكن يموت فى إيديها لو محدش لحقه»، مضيفة: «قلبى مقهور على ابني ومنظره وهو راجع مقهور وبيعيط ويقولى والله ماعملت لها حاجة دي كانت حتموتني، وابنى مش عاوز يرجع المدرسة ومدمر نفسيا».

واختتمت: «أنا أخذت الإجراءات القانونية وعملت لها محضر عشان المدرسة دي تاخد جزاءها اللي تستحقه، وأنا أطالب وزارة التربية والتعليم ووزارة الداخلية والمجلس الأعلى لحقوق الطفل بالتحرك لرد حق ابني».

إجراء التعليم بشأن واقعة مدرسة حافظ إبراهيم بشبرا

وكشفت مصادر عن الإجراءات التي اتخذتها مديرية التربية والتعليم والتعليم الفني بمحافظة القاهرة بشأن المعلمة المتورطة في الاعتداء على طالب مدرسة حافظ إبراهيم بشبرا، موضحة أن تم استبعاد المعلمة وإحالتها للشئون القانونية للتحقيق.