حرصت سارة نور الشريف على إحياء ذكرى وفاة والدها، وذلك من خلال منشور عبر حسابها الشخصي على موقع التواصل الاجتماعي فيسبوك.

سارة نور الشريف تحيي ذكرى وفاة والدها

وكتبت سارة نور الشريف في منشورها الذي يرصده موقع تحيا مصر: وحشتني پاپي حبيبي، فات عشر سنين؟ أنا مش مصدقة، مشاعري دايمًا في اليوم ده ملخبطة وبابقى مش فاهماها، دايمًا بافتكر إن مع مرور الوقت، اليوم هيعدي أسهل، بوجع أقل، بإحساس بالفقد أقل، لكن الحقيقة إنك وحشتني قوي، واحشني أقعد معاك، أسمع صوتك وكلامك، وأشوف ابتسامتك، ابتسامتك اللي كانت بتسبق للعين قبل ما توصل للشفايف، اللي كانت بتملالي قلبي دفء وراحة.

وتابعت: قريت جملة في كتاب عجبتني جدًا: "ماذا تفعل بفيض حب لا يبلى ولا ينتهي لشخص لم يعد هنا، فيض حب، بمرور الوقت لم ينقص، بل زاد وفاض حتى كاد يغرق صاحبه؟" (نوبة حراسة الأحلام). حسيت إن الكلام ده أنا، ده حالي، لأن مهما عشت معاك، عمر ما كان فيه كفاية في الحب ولا في القرب، أنا هنا، لكن قلبي في زمن تاني.

سارة نور الشريف لوالدها: أنت حظي الحلو في الدنيا

واضافت: اتعلمت أعيش معاك وأونس قلبي بوجودك في عالم خاص بينا، إنت حظي الحلو في الدنيا، وأنا باطمنك علينا، الحمد لله مرينا بحاجات كتير وبفضل الله وكرمه عدينا منها. ومش ناقصنا غير وجودك معانا، بحبك وهفضل أحبك لآخر لحظة في عمري. وزي ما باقولك دايمًا، إنت حبيبي، حبيبي الأول والأخير وما بينهما. كل سنة وأنا أقربلك سنة.

قصة انهيار عقار نور الشريف

وكان قد انهار عقار سكني في حي السيدة زينب بحارة محمد عنايت ليتصدر نور الشريف محركات البحث في جوجل على الفور حيث ترتبط تلك المنطقة بطفولته، إذ نشأ وكبر بها، وسرعان ما اكتشف أن العقار المنهار هو عقار نور الشريف.

يتكون عقار نور الشريف من 7 طوابق وعرف باسم عمارة نور الشريف تكريما وتخليدا له ولذكراه، وأطلق عليه ذلك في عام 2011 حيث كان يعيش به الفنان الراحل منذ ولادته وكبر وترعرع به حتى تزوج من الفنانة بوسي.