تصدرت منة القيعي محركات الأكثر بحثا على موقع جوجل الشهير وذلك بعد لقائها في برنامج معكم منى الشاذلي والمذاع على قناة dmc في أول ظهور إعلامي لها مع زوجها الفنان يوسف حشيش، والذي تحدثت خلاله بالعديد من الأشياء الهامة من بينهم أزمتها المرضية.

منة القيعي تتصدر التريند 

وقالت منة القيعي في تصريحات رصدها موقع تحيا مصر عن تفاصيل انهيارها في حفل زفافها: قبل الزفة كانت مشكلتي إن ضربات القلب فوق الـ 100 علطول، وكنا عاملين خطة كل ساعة يقعدوني ربع ساعة من غير ما حد يلاحظ، لكن الدنيا كانت زحمة وحبايبنا كتير، ملحقتش أقعد ومن فرحتي نسيت نفسي، وعمالة أغني وأزغرد، قبل ما أحمد سعد يطلع يغني، وقفنا علشان فرقته تستعد، وقولت ليوسف أنا تعبانة حاسة مش قادرة أقف، ودخلنا الباك ستيج وابتدى يتسحب عندي دكتور واثنين، وكان كل خوفي وعمالة أقول ليوسف مش عايزة حد يقول دي عروسة مفستكة، عايزة الناس تقول يومي حلو.

واستكملت منة القيعي: أحمد سعد دخل الباك ستيج وزعق لنا وشخط فيا بهزار طبعا وقاللي إنت جاية عندي وتقعي قومي، ده اللي كنت خايف منه.

منة القيعي تتحدث عن إصابتها بفيروس كورونا لاول مرة 

وكانت منة القيعي قد تحدثت عن كواليس إصابتها بفيروس كورونا بعد خطوبتها، قائلة: بعد الخطوبة مباشرة وخلال الخطوبة حسيت إنى مش في لياقتي وبعدين نفسي تدهور ورحت لأطباء وعملت فحوصات وكنت سليمة لكن ضربات قلبي بدأت تتسارع بدون مجهود، كل الشهور دي بتعدي والشغل بيقف وكنا داخلين على موسم رمضان وفي عريس جديد مش عايزه احسسه اني تعبانة والموضوع كان موتر جدا وكان يوسف يوديني للدكتور وقعدت 7 شهور كده.

واختتمت: كان ممكن أخد الجلسة في الشارع عشان بيجي لي اختناق، وكنت باخده جلسات تنفس 3 أو 4 مرات في اليوم وفي الفرح كان في دكتور قلب وصدر وكنت بتعالج لأني مش لاقيه في سبب صحي ومش عارفه أعمل أي مجهود ودخلت في اكتئاب وفي نفس الوقت وبعد استشارات كبيرة توصل الاطباء أن دي حالة توابع كورونا.

منة القيعي تتعاون مع عمرو دياب في يا بخته 

وكانت منة القيعي كانت تعاونت مع عمرو دياب في أغنية يابخته التي تقول كلماتها: مين في الدنيا دي أطيب منّا  ده اللي بيعرفنا بيدمنّا  مين في الدنيا دي أطيب منّا  ده اللي بيعرفنا بيدمنّا  دا احنا قلوب من بدري مسامحة  مهما حاولنا أو مثلنا  قولولي مين عاقل في الدنيا  يستحمل على خدنا دمعه  يا بخته يا بخته اللي تحبه قلوبنا  ويا بخته اللي يدوق من شوقنا، من شوقنا  ولّا يقرب، ولّا يقرب منّا  دا يا بخته يا بخته اللي تحبه قلوبنا  ويا بخته اللي يدوق من شوقنا، من شوقنا  ولّا يقرب.