حلت آية، شقيقة مطرب المهرجانات مسلم، ضيفة على برنامج مساء الياسمين الذي تقدمه الإعلامية ياسمين الخطيب على شاشة قناة الشمس، لتتحدث عن تفاصيل وكواليس خلافها مع شقيقها مسلم بسبب زوجته يارا.

شقيقة مسلم تكشف مفاجآت في حياته: عنده 24 سنة ومتجوز 3 مرات

قالت آية، شقيقة مسلم إن شقيقها مسلم تزوّج ثلاث مرات رغم أنه لم يتجاوز سن الـ24، ولديه ابن يُدعى مالك، لكنه لا يراه حاليًا، موضحة أنه يحرص على إرسال مصاريفه رغم عدم تواصله المباشر معه، وأيضا لديه ابن يُدعى مسلم من طليقته ميكا.

واكدت أن طلاقه من زوجته الأولى كانت بسبب تدخل فتاة أخرى في حياتهم، ولم تتجاوز تلك الزيجة كثيرا.

شقيقة مسلم عن زوجته يارا: غلطت فيا وفي والدتي وروحنا الفرح غصب عننا

وتحدثت شقيقة مسلم عن مشكلتها مع زوجته يارا وسبب رغبتها في عدم حضور الزفاف، قائلة في تصريحات رصده موقع تحيا مصر:  اللي خلاني أطلع أتكلم على السوشيال ميديا هو إن مفيش حزم حصل من البداية، كنت بشتكي لأخويا ومكنش بيحل، وكان بيقولي مش عارف أتصرف، هي غلطت فيا وفي والدتي، ومع ذلك راحت الفرح غصب عني، ومسلم جابلها عربية خاصة علشان لو مكنتش هتحضر، محدش فينا كان هيحضر، لأننا كنا رافضين الجوازة دي من الأساس."

وتابعت شقيقة مسلم عن زوجته: هي مش شبهنا، والأصول عندنا الست مهما حصل من جوزها مبتردش الإساءة بالإساءة، لكن كانت بتطلع تتعامل كأنها هو، وهو مكنش بيرد، ومش عارفة ليه واقف في مكانه مش بيتحرك.

شقيقة مسلم: اللي بيحصل معاه مش طبيعي اكيد معموله سحر 

واستكملت حديثها قائلة: "مقدرش أقول إنه بيحبها، هو كان بيحب اللي قبلها، كانت محترمة، بحسه مسحور لأن اللي بيحصله مش طبيعي."

كما أشارت إلى أن شقيقها كان في علاقة سابقة مع فتاة تُدعى ميكا، وكانت تحاول دعمه للعودة إليها: لما كنت بسمع إنهم فسخوا الخطوبة، كنت بحاول أرجعه لميكا، لأنه كان بيعشقها، ولما كانت بتغلط كان بيقولها بلاش تتعاملي مع أهلي كده، لكن مع يارا مش قادر عليها.