تحدث الفنان أحمد سعد عن فكرة ألبومه الغنائي الجديد والذي أتى بعنوان بيستهبل وتصدر محركات البحث على موقع جوجل الشهير وحديث مواقع التواصل الاجتماعي المختلفة.

أحمد سعد: عمرو دياب نزل ألبوم مختلف وخلاني أفكر في أفكار جديدة

أشار أحمد سعد إلى أن عمرو دياب هو السبب في جعله يفكر بشكل مختلف وفي افكار جديدة لألبومه، موضحا في مداخلة هاتفية مع الإعلامي شريف عامر ببرنامج يحدث في مصر: عمرو دياب نزل ألبوم مختلف وخلاني أفكر في أفكار جديدة، وأنا بحب استهبل في حتة لوحدي ومليش دعوة بحد وقلت لعمرو أخويا واتفقت معاه يظهر معايا في الفيديو وهو نجم كبير وعنده معجبين وهو اللي شجعني على الفكرة.

وعن فكرة ألبومه الجديد، قال أحمد سعد في تصريحات رصدها موقع تحيا مصر: اخر حاجة وصلتلها أن الناس بتحب السهل اللي يفرفش ويخليها مبسوطة فقررت اعمل ده واغنيه بشكل حلو، الناس اصلا بطبعها تعبانة وعندهم تحدي في البيت والشغل وفي كل حتة.

أحمد سعد يتحدث عن منتقدي إطلالته

وتطرق أحمد سعد بحديثه عن منتقدي إطلالته، حيث قال: اللي انتقدوا إطلالتي هما هما الناس اللي بتحب تشوف المطرب بشكل غريب، ولو مكنتش فنان مستحيل كنت ألبس اللي بلبسه ده لكن الجمهور مستني مني اعمل لوك، لو ماشي في الشارع الناس هتقول ده راكب عربية شكلها اي، ده ماسك موبايل عامل ازاي على اساس انك بني آدم من القمر، لا انت بني آدم طبيعي.

وعن أغنية بطة الذي قدمها ضمن ألبوم بيتسهبل، قال أحمد سعد أنها صممت خصيصا للاطفال، موضحا: الأطفال في ألبومي الجديد كانوا هدف كبير بالنسبة ليا وأما طفل يقولي أنا بحبك دي بتبقى أسعد لحظات حياتي.

أحمد سعد وتعاونه مع النجوم 

ويستعد أحمد سعد للتعاون مع الفنانة دنيا سمير غانم للمرة الأولى في أغنية فيلمها الجديد روكي الغلابة، حيث قال: "دنيا سمير غانم رقيقة وجميلة وذوقها عالي وأنا أصلا من جمهورها وبحب أسمعها، وتحس واحنا بنغني سوا الجميلة والوحش وإن شاء الله الأغنية تعجب الناس وتكون مختلفة لأنها بتغني شعبي وع منن الأشرار وحاجة مختلفة".

كما تحدث عن تعاونه مع عفروتو ومروان موسى في أغنية حبيبي ياه ياه من ألبومه الجديد بيستهبل، قال "أنا ربنا رزقني في الألبوم ده مش بالنجوم اللي اتعاملت معاهم وكلهم جامدين لأ رزقني بقلوب صافية ونضيفة، انا اشتغلت مع ناس كلها نضيفة وعفروتو ومروان موسى دول حبايبي".