يري أحمد حسن كابتن منتخب مصر الأسبق، أن محمد صلاح قائد الفراعنة مظلوم بوجوده مع الجيل الحالي لللمنتخب الوطني، ويستعرض تحيا مصر تصريحات أحمد حسن في برنامج مان تو مان للإعلامي عمر ربيع ياسين.   

أحمد حسن: محمد صلاح مظلوم مع الجيل الحالي

وقال قائد منتخب مصر السابق، في تصريحات تلفزيونية خلال تواجده ضيفًا مع عمر ربيع ياسين ببرنامجه مان تو مان عبر صفحته الرسمية :"محمد صلاح مظلوم مع الجيل الحالي ،تخيل كدا لو صلاح جنبه أبو تريكة وقدامه عمرو زكي ولا متعب وعلي يمينه أحمد فتحي وعلي شماله سيد معوض ومن تحت حسني عبد ربه ، أكيد الوضع كان هيختلف بشكل كبيرلا بجد الوضع يختلف"، مشيرًا أن محمد صلاح نجم كبير و وصل لمستوى لم يصل إليه أي لاعب مصري من قبل. 

أحمد حسن: جيل منتخب مصر السابق كان بيخدم على بعض 

ويضيف الصقر :"احنا كنا بنخدم علي بعض ..بنشيل بعض مهارة وسرعة وتحكم في رتم المباراة ..لا بجد صلاح كان هياخد احسن لاعب في العالم "

وتابع أحمد حسن :"مش ناقص صلاح كأس أمم إفريقيا احنا فوزنا بيها ٣ مرات لو كسب واحدة بس معانا مع اللي حققه كان زمانه واخد احسن لاعب في العالم ". 

أحمد حسن: حسام حسن جالي الفجر عشان خسر مباراة بلايستيشن 
 

وفي سياق متصل كشف أحمد حسن كابتن منتخب مصر الأسبق عن موقف طريف جمعه مع حسام حسن المدير الفني لمنتخب مصر في احدي المعسكرات، بسبب البلاي ستيشن، بعدما خسر نجم الأهلي والزمالك الزمالك أمامه في البلاي سيتشن، حيث كان تم اختراعه حديثًا.

وقال الصقر أحمد حسن خلال تواجده ضيفا مع عمر ربيع ياسين ببرنامجه مان تو مان عبر صفحته الرسمية :"البلاي ستيشن كان طالع جديد وكان احرف واحد فيه حازم إمام وانا وعبد الستار صبري ".

ويضيف الصقر :"في معسكر بالمكسيك قعدت الاعب حسام حسن وإكسبه كتير لانه كان لسه بيتعلم جديد وجت الساعة 4 الفجر قولتله هنام بقي تعبت ".

وتابع أحمد حسن :"روحت اوضتي وبعد دقيقتين لقيته جاي يقولي ايه مش هنكمل لعب قولتله مش قادر عايز انام وهو مش متقبل فكرة الخسارة".